Stuhia Kristin ka lënë të vrarë pesë persona dhe ka nxitur mijëra emergjenca përgjatë Portugalisë të mërkurën, kanë thënë autoritetet.
Erërat e fuqishme rrëzuan drunj, dëmtuan shtëpi, rrugë dhe infrastrukturë kyqe, transmeton Anadolu.
Autoriteti Kombëtar i Portugalisë për Emergjenca dhe Mbrojtje Civile tha se stuhia shkaktoi më shumë se 3,300 incidente deri në fillim të pasdites, shumica e të cilave lidheshin me rënien e pemëve dhe mbeturinat që bllokonin rrugët, me disa rrugë kryesore të ndërprera ose të mbyllura.
Operatori i rrjetit elektrik E-Redes tha se rreth 570,000 njerëz ishin ende pa energji elektrike rreth mesditës, pas një kulmi gjatë natës që preku rreth 1 milion klientë, me distriktet qendrore ndër më të goditurat.
Imazhet tregojnë erëra të forta që shkatërruan aerodromin komunal në Coimbra, duke dëmtuar avionët e ruajtur brenda një hangari, disa prej të cilëve konsiderohen të papërmirësueshëm.
