Pesë persona janë arrestuar në tri qytete të Kosovës gjatë 24 orëve të fundit për posedim të narkotikëve.
Në Ferizaj policia ka gjetur një sasi prej 2.41 gramë substancë e dyshuar narkotike e llojit marihuanë, gjatë kontrollit të i dyshuarit i cili është dërguar në mbajtje.
Ndërsa, në Pejë është arrestuar një person të cilit i janë gjetur dhe sekuestruar një thikë, një elektroshok, një boks hekuri dhe një sasi e substancës narkotike e llojit marihuanë. Me vendim të prokurorit i dyshuari është dërguar në mbajtje.
Dy persona janë arrestuar në Klinë për veprën e njëjtë. Atyre u janë gjetur dhe sekuestruar 2.4 gramë substanca të dyshuara narkotike e llojit marihuanë.
Gjatë kontrollit në shtëpitë e të dyshuarve janë gjetur dhe konfiskuar edhe 19.2 gr substanca të dyshuara narkotike e llojit marihuanë dhe një revole me një karikator pa fishek.
Me urdhër të prokurorit të dyshuarit janë liruar. Rasti vazhdon të trajtohet në procedurë të rregullt./teve1.info/
