Pesë organizatat më të mëdha ndërkombëtare i kanë reaguar kryetarit të Vetëvendosjes, Albin Kurti për emërimin në krye të RTK-së të aktivistit të VV-së, Rilind Gërvalla, raporton teve1.info
Sipas një postimi në Facebook të juristes së të drejtës së medias, Flutura Kusari, organizatat kanë shprehur shqetësimin e tyre dhe kanë deklaruar se për aq kohë sa Gërvalla të jetë drejtor i televizionit, depolitizimi dhe reforma e nisur nga vetë VV-ja do të jetë e pamundur.
“Pesë organizatat më të mëdha ndërkombëtare për lirinë e medias dhe mbrojtjen e gazetarëve në Europë i janë drejtuar Kryetarit të Lëvizjes Vetëvendosje Albin Kurti për të shprehur shqetësimin e tyre të thellë për emërimin e aktivistit politik të VV-së Rilind Gërvalla në pozitën e drejtorit të televizionit në RTK.
Sipas organizatave, për aq kohë sa Gërvalla të jetë drejtor i televizionit, depolitizimi dhe reforma e nisur nga vetë VV-ja do të jetë e pamundur.
Letra përmend lëvdatat që të njëjtat organizata ia kanë bërë Lëvizjes Vetëvendosje dhe kryeministrit në nivel të Këshillit të Europës për progresin e arritur në depolitizimin dhe reformimin e RTK-së deri në momentin e emërimit të drejtorit të televizionit”, thuhet në postimin e Kusarit në Facebook.
