Zëvendësministri i Infrastrukturës, Hysen Durmishi ka thënë se bashkë me ministrin, Liburn Aliu dhe kryetarin e Gjilanit Alban Hyseni përuruan sot përfundimin e zgjerimit të rrugës Gjilan – Bujanoc.
Ai tha se kjo rrugë ka rëndësi të madhe për rajon dhe më gjerë.
”Edhe një projekt i përfunduar nga MMPHI. Bashkë me ministrin Liburn Aliu dhe kryetarin e Gjilanit Alban Hyseni përuruam sot përfundimin e zgjerimit të rrugës Gjilan – Bujanoc, rrugë kjo e rëndësisë së madhe për këtë rajon dhe më gjerë. Me buxhet prej 3 milion euro, kjo rrugë me gjatësi 2.9 km tani i ka katër korsi, shirit të bicikletave, trotuar në të dyja anët, ndriçim dhe sinjalizim te standardave të larta.Urime!“, ka shkruar ai.
