Po vështron me mall, pajisjen më të dashur të vëllaut të tij.
E nga sot, kjo makinë shkrimi e Ymer Elshanit u kthye përsëri në shtëpi.
Kjo pasi punimet për restaurimin e shtëpisë muze të shkrimtarit përfunduan.
Megjithatë, për Berliun më e rëndësishme janë dhjetëra dhjetëra libra për fëmijë që la pas vetes vëllau shkrimtar.
“Ka qenë njeri i mrekullushëm nuk ka as kush që mundet me thonë një të met tina, jetës së tij. Kryesorja ka lon vepra të mira dhe ato vepra të tina shërbejnë për gjeneratat e ardhshme”, ka thënë Elshani.
Në këtë ditë, atij iu rikthye sërish në mendje momenti kur kuptoi për vdekjen e vëllaut.
“Sa kam qenë në Korroticë të Nalt jo atë natë, por të nesermen, i nisha do fjalë po ju vike keq. Thojshin shuj se mos të nin ky”, ka thënë tutje Elshani.
E shumë kujtime kjo shtëpi po i sjell edhe të motrës, Zizës.
“Momente ka shumë, nuk di cilen ta ceki. Ka qenë njeri i buzëqeshur, ma i lumtur. Shumë me vlera të mëdha”, theskoj Elshani.
Në përurim mori pjesë edhe kryeministri në detyrë, Albin Kurti.
Ai u shpreh se vrasja e familjes Elshani është dëshmi e gjenocidit të Serbisë, që synim kishte intelektualët.
“Të gjitha Institucionet që janë për kultur dhe trashigimi kulturore të angazhohen maksimalisht në mënyrë që t’i ruajm kujtimet, ta ndërtojm kujtesen kolegtive tonë në mënyrë faktike, por gjithashtu materiale. E në të njejten kohe që këto të shërbejnë për një aktivizim më të madh të sistemit të drejtësisë sidomos tash kur u bënë disa vite ata kanë të drejt t’i gjykojn e t’i dënojnë në munges kriminelet serb të luftës”, u shpreh Kurti.
Ndërkohë, familjarët shpresojnë që kjo shtëpi-muze të mbetet një vend kujtese.
“Kjo shtëpi mund të mbetet një vend kujtese dhe frymëzimi duke ruajtur dhe përcjellur brezave, veprat dhe kontributin letrar e kulturor të Ymer Elshanit si dhe sakrificen e Ymerit të familjes së tij për lirin e Kosovës”, ka thënë Elshani.
Ymer Elshani u vra dhe u masakrua më 17 prill të vitit 1999 nga forcat serbe në fshatin Poklek të vjetër të Drenasit bashkë me gruan, të katër djemtë, nënën, kunatën dhe shumë bashkëfshatarë të tij.
Nga kjo familje ka mbetur vetëm vajza e tij e cila kishte qenë në studime në Prishtinë në atë kohë.
