Finale e hershme në këtë sezon të Ligës së Kampionëve, mund të vlerësohet përballja ndërmjet Barcelonës dhe Paris Saint-Germainit.
Përkundër mungesave të shumta, kjo ndeshje pritet të jetë tejet interesante dhe derbi kryesor i xhiros së dytë të fazës së ligës në Champions.
Ndeshja luhet në Spanjë dhe starton në orën 21:00, ndërsa të dyja skuadrat synojnë pikët e plota, pasi fituan duelet e xhiros së parë para dy javësh.
Për dallim prej PSG-së, që do t’i ketë katër mungesa të mëdha, si Ousmane Dembele, Desire Doue, Kvicha Kvaratskhelia e Marquinhos, Barcelonës i është kthyer nga lëndimi mbrojtësi Alejandro Balde.
Nën hijen e këtij derbi, luhen edhe gjashtë ndeshje tjera që startojnë në orën 21:00 – Monaco – Manchester City, Arsenal – Olympiacos, Bayer Leverkusen – PSV Eindhoven, Borussia Dortmund – Athletic Bilbao, Napoli – Sporting dhe Villarreal – Juventus.
Ndërkohë, prej orës 18:45 po zhvillohen ndeshjet Qarabag – Copenhagen dhe Union St. Gillosie – Newcastle.
Të martën, janë zhvilluar ndeshjet e para të xhiros së dytë dhe janë arritur këto rezultate: Atalanta – Brugge 2:1, Kairat – Real Madrid 0:5, Atletico – Eintracht 5:1, Bodo – Tottenham 2:2, Chelsea – Benfica 1:0, Galatasaray – Liverpool 1:0, Inter – Slavia 3:0, Marseille – Ajax 4:0 dhe Pafos – Bayern 1:5.
