Një përplasje fizike ka ndodhur mes komisionerëve të Partisë Socialiste dhe Partisë Demokratike në Sektor Seman, Lushnje.
Është dashur ndërhyrja e policisë për të qetësuar situatën mes komisionerëve. Nuk dihen ende arsyet e konfliktit, shkruan Klan News.
Ndërkohë, përplasje të tjera ka pas edhe mes përfaqësuesve të partive të ndryshme edhe në Labinot-Fushë në Elbasan mes vëzhguesve të partive, ku akuzonin për intimidim të votuesve.
Përplasje ka pasur edhe në Pogradec, ku disa veta janë përfshirë në konflikt.
Kujtojmë se këto janë zgjedhjet e 11-ta në Republikën e Shqipërisë, pas ardhjes së demokracisë dhe në garë janë 2.046 kandidatë, për 140 vende në parlament.
