Të paktën gjashtë fëmijë – përfshirë katër vëllezër e motra, të moshës një deri në tetë janë në mesin e të vdekurve.
Guvernatori i Kentakit, Andy Beshear tha se numri i të vdekurve do të vazhdojë të rritet pasi “qindra” mbetën të pagjetur.
Më shumë se 12,000 familje kanë mbetur pa energji elektrike dhe qindra shtëpi dhe biznese janë përmbytur.
Dëmtimi i rrugëve, urave dhe infrastrukturës tjetër do të kushtojë miliona për t’u riparuar, tha guvernatori të hënën, shkruan BBC, transmeton teve1.info
Ekipet e shpëtimit kërkojnë në ujërat e përmbytjeve për viktima dhe të mbijetuar
Presidenti Joe Biden i ka shpallur përmbytjet “një fatkeqësi të madhe” dhe ka urdhëruar ndihmën federale për të ndihmuar shpëtimtarët lokalë.
