Një paraqitje fantastike përballë Oklahoma City Thunder nga LeBron James, doli të jetë një natë historike për të gjithë komunitetin e basketbollit.
‘Mbreti’ James theu rekordin e Kareem Abdul Jabbar, duke u bëtë kështu lojtari me më së shumti pikë të shënuara në histori të NBA.
Një rekord i vendosur 39 vite më parë nga legjenda Jabbar, i cili kishte përfunduar karrierën me 38,387 pikë, u kalua mbrëmë nga James me këtë të fundit që numëron tashmë një më shumë.
Ai pas këtij rekordi historik, Lebron u pyet në përfundim të ndeshjes nëse kjo arritje e bën atë lojtarin më të mirë në histori të kësaj loje, ndërsa ai tha se ndihet si i tillë.
“Nuk dua ta vendos vetën kundër askuj që ka luajtur këtë lojë….. unë gjithmonë ndihem si më i miri që e ka bërë këtë”, tha ai.
Mendimin e njejtë me të e ndau edhe legjenda tjetër, Shaquille O’neal, i cili tha se nuk ka mbetur më çfarë të diskutohet për këtë temë pasi që sipas tij numri 6 i Lakers është më i miri në histori të NBA.
Lebron James në karrierën e tij ka arritur të shpallet 4 herë kampion, 4 herë MVP, 4 herë MVP i finaleve, 18 herë pjesë e ekipit më të mirë të vitit, 3 herë Sll Star MVP, 6 herë në mbrojtjen më të mirë të vitit dhe lojtarin më të mirë debutues të vitit.
