Një incident fizik është raportuar mbrëmjen e së mërkurës në Aeroportin Ndërkombëtar “Adem Jashari”, ku disa persona janë përfshirë në një përleshje.
Sipas Policisë së Kosovës, rasti ka ndodhur pas një mosmarrëveshjeje ende të pasqaruar, në të cilën janë përfshirë pesë persona.
Si pasojë e incidentit, të dyshuarit janë shoqëruar nga policia dhe janë intervistuar nga autoritetet kompetente.
Me vendim të prokurorit të shtetit, të gjithë personat e përfshirë në rast janë dërguar në mbajtje, ndërsa rrethanat e përleshjes janë duke u hetuar më tej nga organet e rendit.
