Një përleshje fizike mes tre personave është raportuar në Gjilan, duke lënë të lënduar të gjithë të përfshirët në incident.
Sipas njoftimit të Policisë së Kosovës, rasti ka ndodhur më 19 korrik 2026, rreth orës 22:30, ku janë përleshur dy meshkuj kosovarë dhe një femër shtetase e huaj.
Si pasojë e përleshjes, të tre personat kanë pësuar lëndime trupore. Dy prej tyre kanë pranuar trajtim mjekësor, ndërsa personi i tretë ka refuzuar trajtimin.
Për rastin është njoftuar prokurori, ndërsa Policia e Kosovës po vazhdon procedurat hetimore për zbardhjen e rrethanave të ngjarjes.
“Gjilan / 19.07.2026 – 22:30. Raportohet se janë përleshur fizikisht tre të dyshuar dy meshkuj kosovarë dhe një femër shtetase e huaj. Si pasojë e të dyshuarit kanë pësuar lëndime trupore, dy nga ta kanë pranuar tretman mjekësor ndërsa një ka refuzuar. Lidhur me rastin është njoftuar prokurori”, thuhet në raport./teve1.info/
