Përleshjet kanë nisur para ndeshjes mes Anglisë dhe Serbisë, që zhvillohet sonte në Gelsenkirchen.
Ndeshja vlerësohet e rrezikshmërisë së lartë, ndërsa huliganët anglezë e serbë tashmë kanë nisur përleshjet. Raportohet për një tifoz anglez të lënduar në kokë.
Rreth 200 policë gjermanë kanë intervenuar për të kthyer qetësinë. Janë hedhur shishe dhe gota gjatë përleshjes.
Ka raportime që në sulmin ndaj serbëve ishin të përfshirë edhe shqiptarët. “Daily Mail” ka shkruar se tifozët shqiptarë mund të kenë nisur sulmin fillestar ndaj tifozëve të Serbisë në Gelsenkirchen. Përleshja ishte e ashpër, ndërsa ka edhe të lënduar e të arrestuar.
