Një 19-vjeçar është therur me thikë nga një 13-vjeçar tjetër pranë shkollës fillore “Emin Duraku” në Prizren.
Kështu ka konfirmuar për tëvë1.info zëdhënësi i policisë për rajonin e Prizrenit, Shaqir Bytyqi i cili tha se i lënduari ndodhet jashtë rrezikut për jetë.
Policia ka bërë të ditur se rasti është duke vazhduar.
“Sot, më datën 05.12.2025, në orët e paradites është raportuar për një përleshje pranë shkollës fillore “Emin Duraku” në Prizren. Policia ka dalë menjëherë në vendngjarje dhe nga të dhënat e mbledhura është mësuar se pas një zënke ndërmjet dy të rinjve, njëri prej tyre, mashkull 13-vjeçar, e ka goditur me një mjet të mprehtë viktimën, mashkull 19-vjeçar. I lënduari është dërguar në Ndihmën e Shpejtë të qytetit dhe ndodhet jashtë rrezikut për jetë. Për rastin është njoftuar prokurori i shtetit dhe, në bashkërendim me të, po vazhdojnë hetimet për sqarimin e plotë të rrethanave”, deklaroi Bytyqi./teve1.info/
