Sesioni i rregullt pranveror i Kuvendit të Serbisë ka nisur me përleshje, bomba tymi, fishekzjarrë dhe opozita shpalosi një pankartë ku shkruhej “Serbia ngrihet për të rrëzuar regjimin”.
Përplasjet mes pozitës dhe opozitë kanë nisur lidhur me rendit e ditës.
Ndërsa siç raporton N1 dy deputetë të Partia Përparimtare Serbe (SNS) janë plagosur.
Në rendin e ditës së seancës përfshihen ndryshimet në Ligjin për arsimin e lartë, projektligji për kreditë për banim për të rinjtë dhe votimi për shkarkimin e kryetares së Kuvendit, Ana Brnabiq.
ZLF ka paraqitur propozim që në seancë të diskutohet vetëm për Ligjin për Arsimin e Lartë, propozimi është refuzuar.
Nga opozita është thënë se qeveria është në dorëheqje dhe se nuk mund të propozojë ligje.
Partitë opozitare kishin paralajmëruar se s’do të jenë pjesë e punimeve të Kuvendit, përderisa studentët e qytetarët janë duke protestuar vazhdimisht në kërkim të drejtësisë për vdekjen e 15 personave në nëntor nga rrëzimi i strehës së një stacioni hekurudhor në Novi-Sad.
