Dy persona janë përfshirë në një përleshje fizike në një pompë derivatesh në Veternik të Prishtinës.
Lajmin për Tëvë1 e ka konfirmuar zëdhënësi i Policisë së Kosovës për Rajonin e Prishtinës, Enis Pllana.
“Sot rreth orës 20:00 në Veternik, dy persona janë përfshirë në një përleshje fizike,” ka deklaruar Pllana.
Ai ka bërë të ditur se të dy personat kanë pranuar tretman mjekësor, ndërsa lidhur me rastin, procedurat dhe veprimet e mëtejme janë duke u zhvilluar nga njësitet relevante të Policisë së Kosovës.
