Veprimtarinë e tyre kombëtare po e nderojnë duke intonuar himnin kombëtar.
Anëtarë të shoqërisë “Lëvizja”, miq e bashkëpunëtorë të Jusuf e Bardhosh Gërvallës dhe të Kadri Zekës, zbuluan një pano të tyre në sheshin qendror të kryeqytetit.
Emrush Xhemajli, ish-Sekretar i Përgjithshëm i Lëvizjes Popullore të Kosovës, në të cilën u bashkuan edhe Jusufi, Bardhoshi e Kadriu, kërkoi një përmendore për ta në sheshin e kryeqytetit.
“Ata bashkë ishin, bashkë janë e bashkë do të jenë, në mendjet e zemrat tona. Ata sot e mbas sodit e përgjithmonë do të jenë bashkë edhe vizualisht në kryeqytetin e shtetit tonë, Republikës se Kosovës… Është nder për kombin tonë dhe detyrë institucionale së Jusufi, Kadriu dhe Bardhoshi të kenë një përmendore të përbashkët në një shesh të kryeqytetit të Kosovës”, thotë Xhemajli.
Për njërin prej të afërmve të Jusuf Gërvallës, atentati ndaj tij, Bardhosh Gërvallës e Kadri Zekës ishte i paralajmëruar.
“Jusufi ka pas paralajmërime përmes shtypit. Mandej ka pas edhe drejtpërdrejt prej shokëve të tij ndërsa në dasmën e Kadri Zekës e kam lajmëru edhe unë se është duke u rrezikuar. Më ka thënë në çfarë nivelesh, i thashë përveç gazetarisë ka edhe diçka të brendshme por nuk e di cila mund të jetë. Ai tha mua nuk mund të më gjejnë nëpër restorante unë do të veproj deri në fund kështu”, bën të ditur bashkëpunëtori i Jusuf Gërvallës, Fazli Veliu.
Atentati ndaj vëllezërve Gërvalla dhe Kadri Zekës ndodhi më 17 janar 1982 në Gjermani.
Kronika e realizuar nga gazetari Gojart Jashari.
