Dhjetëra njerëz u mblodhën të shtunën në ceremoninë e përurimit të Monumentit Përkujtimor kushtuar të rënëve në Masakrën e Janarit të vitit 1921 në Prapashticë.
I pari që foli para të pranishmëve ishte Ajvaz Abazi, organizator i kësaj ceremonie.
“Serbët mësynë në dimrin e vitit 1921 fshatrat e Galabit dhe Llapit duke masakruar pa mëshirë që nga foshnjat në djep e deri te pleqtë mbi 90 vjeç”, tha kryetari i Këshillit organizativ, Ajvaz Abazi.
Së bashku me një pjesë të kabinetit të tij, mori pjesë edhe i pari i Prishtinës, Përparim Rama.
“Sot këtu në Prapashticë në zonën e Gallapit përballë një përmendore të re për të ngritur si dëshmi dhe kujtim të një tragjedie njerëzore mbi 100 vjet të vjetër”, tha Rama.
Por më e veçantë ishte kjo ditë për ish – kryeministrin e Kosovës, Isa Mustafa, me prejardhje po nga ky fshat.
“Këtu kanë pësuar gati 2000 njerëz, mbi 1000 në Prapashticë, mbi 500 në Keçekollë dhe në fshatrat përreth. Edhe të Komunës së Podujevës kanë pësuar pres ushtrisë dhe xhandarmërisë serbe dhe fshatrat e tjera përreth Keçekollës dhe Prapashticës. Dihet po ashtu se burrat e Prapashticës janë ndarë në tre grupe sipas lagjeve të Govorvë, Cupajve të Balajve”, tha ish-kryeministri Rama.
E me lot në sy foli edhe ish komandanti i UÇK-së, Adem Shehu.
“Ky monument kulture historik është një thirrje për çdo shqiptar që të jemi të bashkuar. Mbretëria serbe kroate sllovene e krijuan francezët dhe Evropaa dhe kjo mbretëri në planin e saj politik ka shfarosjen e një kombi që quhet Arbëri Shqipëri Dardani por nuk do të arrijnë të asgjësojnë”, tha Shehu.
Nuk munguan as këngë kushtuar të rënëve në këtë masakër.
E krejt në fund u zbulua pllaka e Nazim Gafurrit dhe veprimtarëve të tjerë.
E duart i zgjatën njëri tjetrit kryetari Rama e kryetari i Podujevës, Shpejtim Bulliqi.
