Tashmë ka hyrë në ditën e tetë greva e punëtorëve të Trepcës. Gjendja e tyre shëndetësore po vazhdon të rëndohet, teksa ata thonë se nuk do të heqin dorë nga kërkesat e tyre. Tëvë1 ju sjell rrëfime brenda minierës, edhe të atyre që ditë më parë patën probleme të rënda shëndetësore.
Po i bënë 192 orë brenda minierës në thellësi rreth 800 metra nën tokë.
Gjendja shëndetësore po përkeqësohet për këtë të ri, sa që nuk po mund të rri në këmbë.
Bartja e tij deri tek ambulanca po bëhet nga kolegët në këto kushte të rënda.
Hiç më mirë nuk janë as qindra grevistë të tjerë, të cilët që nga e hëna e kaluar kanë bojkotuar punën.
Dy ditë më parë një sulm kardiak e pati edhe grevisti Miftar Mehmeti, derisa gjendej në horizontin e 9’të të minierës.
Mjeku i tha të vazhdojë trajtimin mjekësor, por ky e ka një shpjegim pse nuk e dëgjoi.
E një të moshuari i mbushen sytë me lotë kur përmendet nëna e tij e cila është në gjendje kome derisa ky është i ngujuar në minierë.
Derisa, vendosshmëria për të qëndruar deri në përmbushjen e dy kërkesave të tyre, shfaqet nga fjalët e secilit grevist.
E përkufizimi më i mirë i tetë ditëve të grevës së minatorëve në Trepcë mund të përshkruhet me këto fjalë.
Derisa, u.d. i kryeshefit të Trepcës, Enis Abdurrahmani, ende nuk ka folur publikisht për pakënaqësitë e punëtorëve që i drejton ai.
Arton Rama