Zëvendësministri i Ministrisë së Mjedisit, Planifikimit Hapësinor dhe Infrastrukturës (MMPHI), Hysen Durmishi, ka bërë të ditur se ua ka shkëputur kontratat e punës tre ekzaminerëve të angazhuar për patentë shoferë, pas dyshimeve për keqpërdorim.
Hyseni tha se keqpërdorimet ishin të mëdha në vendin e punës.
“Sot kam nxjerrë vendim për shkëputje të marrëdhënies së punës për tre ekzaminerë të angazhuar në departamentin për patentë shofer. Këtë veprim e kam bërë pas informatave për dyshime të bazuara në keqpërdorime të mëdha në procesin e punës. Ditëve në vazhdim do të prezantojmë të gjitha të gjeturat që lidhen me keqpërdorime shumë të mëdha në njësitë për patentë shofer gjithandej Kosovës”, është shprehur Durmishi.
