Ambasadori amerikan, Jeffrey Hovenier, sot ka njoftuar se Kosova është përjashtuar nga “Defender Europe 2023”.
Andaj, eksperti i sigurisë, Nuredin Ibishi, vlerësoi se kjo nuk është masa e fundit, pasi siç tha ai, do ketë edhe masa tjera ndëshkuese për Kosovën, shkruan teve1.info.
“E pritshme dhe zhgënjyese, është paralajmëruar edhe më herët. Duket që s’do të jetë masa e fundit, do të ketë masa tjera. Nga kjo pëson edhe FSK-ja. Kjo është një masë shumë e rëndë për Kosovën. Përjashtimi i FSK-së nga kjo, është një hap mbrapa. Është një humbje e madhe dhe e vështirë. Kjo bën me dije që Kosova nuk po hyn në një fazë të mirë, përkundër që nuk jemi fajtor në gjithë këtë. Me mos koordinimin me SHBA-të, Kosova nuk është në një situatë t’i përballojë gjithë kësaj trysnie”, deklaroi Ibishi në emisionin “Ditari”.
Duke folur për tensionet në veri dhe kërkesën e serbëve për largimin e Forcave Speciale të Kosovës nga atje, Ibishi tha se largimi i policëve nga veriu, s’duhet të ndodhë asnjëherë.
“Largimi i policëve nga veriu, s’duhet të ndodhë asnjëherë. Me ekstremistë nuk ka më biseda. Mund të bëhet një manovër apo një marrëveshje, por jo tërhiqen nga veriu”, shtoi Ibishi tutje në Tëvë1.
Madje sipas tij, po mos të ishin prezent njësitet speciale në rastet e mëhershme dhe të tashme, serbët do të bënin anarki në pjesën veriore.
Ndërkaq, i pyetur se si të veprohet tutje drejt qetësimit dhe kthimit në normalitet në këto komuna, Ibishi potencoi se mungesa e vetme është mosbashkëpunimi me faktorët kyç në Kosovë./teve1.info/.
