Shitjet e Tesla në Europë dhe Britani janë përgjysmuar sipas të dhënave të Shoqatës Europiane të Prodhuesve të Automjeteve.
Në Prill Tesla ka shitur 7621 mjete në Bashkimin Europian dhe Britani, një rënie me 49 përqind nga viti në vit.
Rëniet e shitjeve kanë qenë veçanërisht alarmuese duke qenë se Tesla lançoi së fundi Model Y për të tërhequr më shumë konsumatorë.
Konkurrentët e Tesla nuk kanë përjetuar të njëjtën rënie duke sugjeruar se aktivitetet politike të Elon Musk dhe rreshtimi i tij krahas presidentit Amerikan Donald Trump mund të kenë pasur një efekt.
Shitjet e Tesla kanë vuajtur në mbarë botën. Kompania regjistroi 336,681 dërgesa, performanca më e dobët në dy vitet.
Në Prill regjistrimet e makinave në BE, Britani dhe vendet si Suedia dhe Norvegjia ranë me 0.3 përqind në 1,007,186 mjete.
Ndërkaq shitjet e makinave elektrike përbëjnë një përqindje të vogël ndërsa rritja ishte 27.8 përqind nga viti në vit. Regjistrimet e makinave elektrike Kineze në Europë u rritën me 59 përqind në 15,300 njësi. /PCWorld Albanian
