Kryeministri në detyrë Albin Kurti njëherit kryetar i Lëvizjes Vetëvendosje dhe Fatmir Limaj kryetar i Nismës Socialdemokrate kanë përfunduar takimin e zhvilluar në Prishtinë.
Ky takim është zhvilluar kur kanë mbetur edhe pak ditë nga përfundimi i afatit 30 ditor i dhënë nga Gjykata Kushtetuese.
Në fotografinë e publikuar nga Gazetaexpress shihet Kurti duke u larguar nga takimi i mbajtur në lagjen “Pejton” në Prishtinë.
Ende nuk janë bërë të ditura detajet nga ky takim.Teve1.info ka dërguar pyetje në Lëvizjen Vetëvendosje por ende nuk ka marrë ndonjë përgjigje.
Zyratarë të Vetëvendosjes dhe Nismës janë shprehur optimist se nga ky takim do të ketë një marrëveshje.
Kurti e Limaj kishin zhvilluar takime edhe më parë, por që nuk kishin arritur ndonjë marrëveshje.
Fatmir Limaj ka thënë se do ta votonte Qeverinë Kurti3 me kushtin që Nismës t’i takojë posti i kryetari të Kuvendit, por siç ka thënë ai nuk është i interesuar të jetë pjesë e ekzekutivit.
Ndërsa, nga LVV-ja kanë thënë se posti i kryetarit të Kuvendit nuk negociohet duke shprehur gatishmëri që Nismës ti ofrojnë poste në ekzekutiv.
