Shefi i Agjencisë Qendrore amerikane të Inteligjencës (CIA), William Burns, është larguar nga objekti i Qeverisë.
Ai të premten në mëngjes është pritur në takim nga kryeministri, Albin Kurti.
Burns ka qenë i shoqëruar edhe nga ambasadori amerikan në Kosovë, Jeffrey Hovenier.
Tëvë1 mëson se në takim ka marrë pjesë edhe ministri i Brendshëm Xhelal Sveçla.
Burns, të enjten ka zhvilluar takim edhe me presidenten e Kosovës, Vjosa Osmani.
Para vizitës në Kosovë ai ka qenë në Sarajevë e Beograd.
Vizita e shefit të CIA-s, sipas njohësve të sigurisë, dëshmon se SHBA-ja është e përkushtuar për sigurinë e rajonit të Ballkanit Perëndimor.
