Në Gjykatën e Apelit ka përfunduar seanca ndaj Endrit Nikës, i dënuar më herët me 18 vjet burgim nga Gjykata Themelore për vrasjen e të dashurës së tij, shtetases argjentinase Maria Clara Urdangaray.
Rasti tashmë ndodhet në shqyrtim të shkallës së dytë të gjyqësorit, ndërsa vendimi i Apelit pritet të merret në ditët në vijim.
Gjatë procedurës në Apel, mbrojtja e Nikës, avokati Tomë Gashi, ka bërë të ditur se ka dorëzuar kallëzim penal ndaj pronarit të objektit dhe djalit të tij, ku ka ndodhur ngjarja. Sipas tij, përgjegjësia për rastin nuk bie mbi klientin e tij.
Gashi ka pretenduar gjithashtu se objekti ku ka ndodhur rasti ka funksionuar pa leje si hotel, duke qenë fillimisht i regjistruar si objekt banesor.
Nis seanca ndaj Endrit Nikës, i dënuar me 18 vjet burgim për vrasjen e të dashurës argjentinase
