Irani dhe Shtetet e Bashkuara mbajtën një raund të tretë të negociatave ku diskutua rreth avancimit të shpejtë të programit bërthamor të Teheranit.
Diskutimet u mbajtën pak para vizitës së presidentit Donald Trump në Lindjen e Mesme këtë javë.
Bisedimet zgjatën për rreth tre orë në Muskat, kryeqytet i Omanit, i cili po ndërmjetëson negociatat, tha një zyrtar amerikan.
Zëdhënësi i Ministrisë së Jashtme iraniane, Esmail Baghaei i quajti bisedimet “të vështira por të dobishme”.
Kursë zyrtari amerikan që foli në kushte anonimiteti dha pak më shumë detaje, shkruan Associated Press.
“U arrit një marrëveshje për të ecur përpara me bisedimet për të vazhduar punën përmes elementëve teknikë”, tha zyrtari amerikan. “Jemi të inkurajuar nga rezultati i sotëm dhe mezi presim takimin tonë të radhës, i cili do të ndodhë në të ardhmen e afërt.”
Bisedimet synojnë të kufizojnë programin bërthamor të Iranit në këmbim të heqjes së disa prej sanksioneve shkatërruese ekonomike që SHBA-të kanë vendosur ndaj Republikës Islamike, duke i dhënë fund gjysmë shekulli armiqësie .
