Pas ndërperjes së seancës së Kuvendit, kreu i OVL UÇK-së, Faton Klinaku e shpalli të ndërprerë edhe protestën e sotme të veteranëve.
Ndërsa, kryetari i Shoqatës së Familjarëve të Dëshmorëve të UÇK-së, Xhavit Jashari, tha se nëse edhe në takimin e nesërm nuk reflekton qeveria dhe kryeministri, do të vazhdojnë të kundërshtojnë fuqishëm.
Jashari i ka ftuar deputetët të cilët e vlerësojnë UÇK-në të të mos lejojnë të mbahet seanca e nesërme nese nuk reflekton Qeveria ndaj kërkesës së tyre për përfshirjen e veteranëve në Ligjin për pagën minimale.
“I ftojmë deputetët të cilët vlerësojnë, ata të cilët kanë qenë pjesë e luftës nëse edhe në takimin e nesërm nëse nuk reflekton kryeministri dhe Qeveria ne do të vazhdojmë të kundërshtojmë fuqishëm dhe ata po besoj se kanë detyrë morale, njerëzore dhe kombëtare që pa u kthye ligji në vend pa i përfshirë kategoritë e dalura nga lufta nuk do të ketë beneficione dhe pa hequr dorë kjo qeveri për të mos nëpërkëmbur Ushtrinë Çlirimtare të Kosovës, të rëndësishëm për ne dhe popullin ne do t’i përgjigjemi çdoherë dhe i ftoj deputetë që nëse nuk reflekton Qeveria mos të lejojnë që të mbahet asnjë seancë pa i përfshirë kategoritë e dala nga lufta e UÇK-së”, tha Jashari. /Teve1.info/