Në Qendrat Komunale të Numërimit ka përfunduar zyrtarisht numërimi i të gjitha votave të rregullta nga zgjedhjet në Kosovë.
Sipas të dhënave të fundit, janë numëruar të gjitha 2,498 pakot me vota të subjekteve politike dhe kandidatëve, duke përmbyllur kështu një nga fazat kryesore të procesit zgjedhor.
Ndërkohë, gjatë ditës së sotme ka përfunduar edhe numërimi i votave të qytetarëve që kanë votuar në ambasada dhe konsullata.
Aktualisht, autoritetet zgjedhore janë duke vazhduar me numërimin e votave të ardhura përmes postës. Pas përfundimit të këtij procesi, do të nisë numërimi i votave me kusht dhe i votave të personave me nevoja të veçanta.
Përfundimi i këtyre fazave pritet të hapë rrugën për certifikimin e rezultateve përfundimtare të zgjedhjeve.
