Ka përfunduar në Prishtinë “Marshi për Liri”, i organizuar nga platforma “Liria ka Emër” në mbështetje të ish-krerëve të UÇK-së që po përballen me procesin gjyqësor në Hagë.
Qindra qytetarë nga vende të ndryshme të Kosovës morën pjesë në marsh, duke u mbledhur në sheshin “Skënderbeu” dhe në sheshet përreth.
Pjesëmarrësit mbajtën flamuj dhe simbole të UÇK-së, ndërsa gjatë aktivitetit u përcollën mesazhe për drejtësi dhe mbështetje për Hashim Thaçin, Kadri Veselin, Jakup Krasniqin dhe Rexhep Selimin.
Në kuadër të programit folën përfaqësues të platformës “Liria ka Emër”, të shoqatave të dala nga lufta, familjarë të dëshmorëve dhe përfaqësues politikë.
Pas përfundimit të protestës, qytetarët nisën të largohen nga sheshi, ndërsa aktiviteti u zhvillua pa incidente të raportuara./teve1.info/
