Një fabrikë e kërpudhave në fshatin Kërpimeh të Podujevës është përfshirë nga zjarri.
Ekipi i Tëvë1 nga vendi i ngjarjes ka bërë të ditur se zjarri ka kapluar të gjithë objektin, derisa prezentë në vendin e ngjarjes janë ekipet e zjarrfikësve.
Shkaqet që çuan deri te përhapja e zjarrit ende nuk dihen.
Një dëshmitar për Tëvë1 ka thënë mbrapa kamerës se zjarri ka filluar të ndizet paraprakisht brenda objektit.
“Unë kam qenë brenda, zjarri ka filluar të shpërndahet, kam djegie në fytyrë, nuk e di qysh ka filluar saktë, veç më kanë lajmëruar që zjarri ka filluar me u shpërnda, kam tentua me fikë, por ka qenë e pamundur”, tha punëtori i fabrikës.
Tëvë1 ka tentuar të marrë përgjigje nga Policia e Kosovës, por të njëjtit nuk kanë qenë të qasshëm./teve1.info/
