Një barakë e vogël, prej druri është përfshirë nga zjarri mëngjesin e sotëm në rrugën “Shkronjat” në Prizren.
Lajmin për tëvë1.info e ka konfirmuar zëdhënësi i policisë për rajonin e Prizrenit, Shaqir Bytyqi i cili tha se baraka është e vjetër dhe jashtë përdorimit.
Sipas policisë, nuk raportohet për persona të lënduar. Lidhur me këtë rast janë ndërmarrë veprimet e nevojshme nga organet kompetente.
“Sot, rreth orës 10:40, është raportuar një zjarr në rrugën “Shkronjat” në Prizren. Sipas informatave fillestare, nga zjarri është përfshirë një barakë e vogël prej druri, e vjetër dhe jashtë përdorimit. Si pasojë e incidentit nuk raportohet për persona të lënduar. Lidhur me rastin janë ndërmarrë veprimet e nevojshme nga organet kompetente”, ka thënë Bytyqi./teve1.info/
