Qeveria e Kosovës për buxhetin e vitit 2025 ka paraparë 4 milionë euro për Luginën e Preshevës. Krahas këtij buxheti, janë ndarë edhe një milion për bujqit shqiptarë nga Presheva, Bujanoci dhe Medvegja. Përfaqësuesit politik në Luginë e kanë mirëpritur këtë fond nga Qeveria, mirëpo thonë se mjetet duhet të mos keqpërdoren.
Qeveria e Kosovës për vitin 2025 ka ndarë 4 milionë euro për Luginën e Preshevës.
Përveç tyre, një milion euro ndau për shqiptarët e Preshevës, Bujanocit dhe Medvegjës që merren me bujqësi.
Kryetari i Këshillit Kombëtar Shqiptar, Nevzad Lutfiu thotë se këto ndihma ndikojnë në nivelin e emigrimit.
“Unë jam i bindur se nëse këto mjete dhe këto fonde kanalizohet tek shtresa”, shprehet ai.
Ndihmën prej Kosovës e ka mirëpritur kryetarja e komunës së Preshevës, Ardita Sinani.
Ajo thotë se do të ndihmohen drejtpërdrejt familjet shqiptare në disa sektorë.
Mirëpo për Sinanin e rëndësishëme është që për herë të parë po ndihmohet edhe Sanxhaku.
Që këto ndihma duhet të vazhdojnë për këto tri komuna shqiptare e ka thënë edhe kryetari i komunës së Bujanocit, Arbër Pajaziti.
Pajaziti shpreson që mjetet të mos keqpërdoren dhe tha se kanë propozuar edhe një komisioner për punime.
Për vitin 2024, ekzekutivi kosovar kishte ndarë tre milionë euro për Preshevën, Bujanocin dhe Medvegjën.
