Mehaj përmes një postimi në Facebook, ka treguar se për çfarë kanë diskutuar me përfaqësuesit e Konfederatës së Sindikatave Norvegjeze të Punëdhënësve.
“Përveç shumë çështjeve tjera, në këtë takim, diskutuam për modelin nordik të organizimit sindikal të punëtorëve ku të drejtat, dinjiteti dhe mirëqenia e tyre janë prioritet i kompanive me çka ka rezultuar me produktivitet të lartë të kompanive dhe zhvillim të përgjithshëm ekonomik”, ka shkruar ai.
Po ashtu, Mehaj tha se përfaqësuesit e dy federatave kanë shprehur interesimin për të vizituar Kosovën.
“Për tu njohur me përvojën sindikale norvegjeze dhe për të vendosur bashkëpunimin sindikal mes dy vendeve, përfaqësuesit e dy federatave shprehën interesimin për të vizituar vendin tonë në të ardhmen e afërt”, tha më tej ai. /teve1.info/
