Në këtë takim sipas komunikatës i cili u realizua në kuadër të takimeve e shkëmbimeve të rregullta në kuadër të marrëveshjeve bilaterale me shtetin e Francës, u diskutua edhe për liberalizimin e vizave.
Sipas MPB-së të dyja palët u dakorduan se Kosova ka përmbushur kriteret për liberalizim të vizave.
“Të dyja palët u pajtuan që Kosova ka plotësuar të gjitha kriteret nga udhërrëfyesi për viza dhe ka shënuar progres në vazhdimësi në fushat përkatëse si riatdhesimi, siguria e dokumenteve, rendi publik e luftimi i krimit të organizuar e korrupsioni si dhe të drejtat fundamentale njerëzore. Franca është jashtëzakonisht e kënaqur me bashkëpunimin dhe shkëmbimin e informatave në fushën policore e të migracionit. Ky proces tashmë ka hyrë në fazën finale dhe po diskutohet në formatin e Grupit për Viza të Këshillit të BE-së”, thuhet në komunikatë
Ndësra ministri Sveçla ka kërkuar që procesi i liberalizimit të vizave të përmbyllet sa më shpejtë./teve1.info/
