“Jam e vetme. Nuk kam as asistent as kurrkënd. Me u mbyllë në katër mure nuk është e drejtë”.
Kështu ankohet Sabina Lloqani.
Mes katër muresh, e vetme, pa qasje as në ballkon.
“As s’kam qasje në ballkon me dalë, as s’kam qasje kurrfarë qasje edhe në banjo është katastrofë”, tha ajo.
Ndërprerësit i mban gjithnjë të ndezur për shkak të pamundësisë për t’i arritur. (PAMJE)
Ndërkaq në kuzhinë mezi arrin të lajë enët. (pamje)
Përkujdesjen për veten e ka shumë të vështirë.
E ka pasur raste kur edhe është lënduar.
“Kur jam rrëzuar fatkeqësisht që më është mshelë karroca që kam mbetë në ajër, jam ngreh deri këtu te salloni jam kon ratë. E kam thirrë policinë edhe prap u ardhë policia më ka ndihmuar”, rrëfeu Lloqani.
Shkak i mungesës së asistentit, Sabina Lloqani nuk po arrin të trajtohet as në QKUK.
“Unë jam ënjtur nga shëndeti, nuk jam mirë dhe nuk po mund të shkoj në QKUK në Neurologji sepse nuk kam asistim”, tha ajo.
Por vështirësia e saj më e madhe është qasja për të dalë jashtë.
“Nuk kam kurrfarë qasje për me dalë. Me 150 euro skemë pensionale nuk vjen kurrkush”, deklaroi ajo.
Lloqani madje ka një thirrje për kryeministrin Kurti.
“O Albin mos bo hajgare me këta njerëz, nuk është veç me ua dhanë paret por duhet edhe një përkrahje edhe dashuri. Boni diçka se jemi shumë nevojtarë. Mos na harroni neve se edhe na jemi pjesë e juaja, edhe ne duam ndihmë”, u shpreh ajo.
Sabina Lloqani për shkak të mungesës së qasjes jashtë, nuk arriti të jetë pjesë e aktiviteteve në Ditën Ndërkombëtare të Përdoruesve të Karrocës.
Kronika e gazetares Albiona Hajdari.
