Janë akterë të sistemit të drejtësisë.
Por edhe ndaj tyre, gjyqtarëve dhe prokurorëve merren masa.
Për shtatë muaj të këtij viti, Këshilli Gjyqësor i Kosovës ka marrë pesë vendime disiplinore ndaj pesë gjyqtarëve të gjykata themelore dhe asaj të Apelit.
“Një vendim, Vërejtje publike me shkrim dhe Zvogëlim i përkohshëm i pagës për 40% për katër muaj; (sqarim: Këshilli ka vendosur me një vendim në lidhje me dy raporte të ndryshme e të cilat kanë pas subjekt të hetimit të njëjtin gjyqtar);Tri vendime me Lirim nga përgjegjësia disiplinore; Një vendim me Vërejtje publike me shkrim”, thuhet nga Këshilli Gjyqësor i Kosovës
Masa disiplinore u morën edhe ndaj prokurorëve të shtetit, nga Këshilli Prokurorial.
Dy raste vijnë nga Prokuroria Themelore në Prishtinë dhe një në Prizren.
“Ju njoftojmë se gjatë periudhës janar-korrik vitit 2023 janë të shqiptuar tri (3) masa disiplinore, si vijojnë: Vërejtje jo publike me shkrim; Vërejtje publike me shkrim; Ulje të pagës 30% për një vit”, thuhet nga Kwshilli Prokurorial.
Këto masa disiplinore janë shqiptuar për shkak të shkeljes së detyrave të prokurorëve të shtetit, megjithatë nuk specifikohet arsye konkrete.
