Një person është arrestuar nga Policia e Kosovës, pasi që i njëjti dyshohet se për shkaqe të hakmarrjes, ka sulmuar fizikisht me shkop druri në kokë një person, dje në rrugën “Hamit Hyseni” në Vushtrri.
Viktima, nga plagët e marra ndihmën e parë e ka marrë në Emergjencën e Vushtrrisë, pastaj për tretman të mëtejmë mjekësor është dërguar në QKUK.
Policia thotë se i dyshuari ka sulmuar viktimën lidhur me një rast të mëhershëm.
Megjithatë, lidhur me këtë rast vendim i prokurorit ka qenë që i dyshuari të dërgohet në mbajtje.
Njoftimi i Policisë së Kosovës:
“LËNDIM I RËNDË TRUPOR/Rr. Hamit Hyseni, Vushtrri 10.06.2023 – 18:16. Është arrestuar i dyshuari mashkull kosovar i cili për shkaqe të hakmarrjes lidhur me një rast të mëhershëm e kishte sulmuar fizikisht me shkop druri në kokë viktimën mashkull kosovar i cili ndihmën e parë mjekësore e ka marr në emergjencën e Vushtrrisë, pastaj për tretman të mëtejmë mjekësor është dërguar në QKUK. I dyshuari me vendim të prokurorit është dërguar në mbajtje”, thuhet në njoftimin e Policisë./teve1.info/
