Ministria e Shëndetësisë po vazhdon zbatimin e Ligjit për Kontroll të Duhanit në të gjithë Kosovën.
Lidhur me këtë, në pesë mujorin e parë të vitit 2024, janë zhvilluar mbi katër mijë inspektime me qëllim të ndalimit të konsumit të duhanit në ambiente të mbyllura.
Si rrjedhojë janë shqiptuar 1 mijë e 724 gjoba për subjekte të ndryshme që kanë bërë shkelje të këtij ligji.
“Qëllimi i Ministrisë së Shëndetësisë nuk janë shifrat në vetvete, por rezultatet nga aksionet e vazhdueshme, të cilat do të vazhdojnë deri kur duhani në hapësira të mbyllura të mos jetë më dukuri normale në vendin tonë”, thuhet në njoftimin e ministrisë./teve1.info/
