Mes shumë emocioneve e dekoratave, pikërisht në ditë xhumaje në fshatin ku punoi e jeton aktualisht në Shajkoc të Podujevës u pensionua Osman Kurtolli-Imami i cili ka dhënë një kontribut prej 30 vitesh.
I rrethuar mes familjarëve, kolegëve e përfaqësuesve të Bashkësisë Islame, Kurtolli u shpreh tejet falënderues dhe i lumtur që po përmbyll një kapitull të vështirë por faqebardhë.
Nga ana tjetër i pranishëm në këtë ceremoni pensionimi ishte edhe kryetari i Bashkësisë Islame të Kosovës, Naim Tërnava .
Ai pati fjalë mirënjohje për bashkëpuntorin dhe mikun e tij.
Në këtë ngjarje nuk mungoi as Ish-komandanti i Ushtrisë Çlirimtare të Kosovës në zonën e Llapit, Rrustem Mustafa.
Ish komandanti Remi foli për kontributin e Hoxhë Osmanit gjatë kohës së luftës me ç’rast e quajti guxim të vlefshëm angazhimin e tij për çlirimin e atdheut.
Miq e dashamirë nderuan dhe kujtuan punët e mira që ka bërë imami i tyre, duke e konsideruar si një vlerë që do mbetet gjurmë e pashlyeshme për brezat e rinj.
Nuk munguan as surpriza të familjarëve që enkas nga diaspora kishin marrë rrugë për të befasuar njeriun më të dashur të tyre, duke i rikujtuar edhe njëherë se sa vlerë të madhe ka për vendin.
E siç e do rendi dhe tradita, u bë edhe dorëzimi i detyrës për Imamin e ri tashmë të Xhamisë në Shajkoc, dhe pikërisht Kurtolli me nder dhe krenari i’a dorëzoi Amir Tahirit.
Realizuar nga gazetarja Erdonita Hebibi
