Dy persona, një burrë dhe një grua, janë arrestuar në Podujevë nën dyshimin se kanë penguar zyrtarët policorë gjatë kryerjes së detyrës zyrtare.
Sipas njoftimit të Policisë së Kosovës, të dyshuarit kanë kundërshtuar kontrollin policor teksa ndodheshin në një veturë, në prani të tre dëshmitarëve.
Gjatë ndërhyrjes, dy zyrtarë policorë kanë pësuar lëndime të lehta trupore dhe kanë marrë trajtim mjekësor. Tretman mjekësor u është ofruar edhe të dyshuarve.
Pas intervistimit, me urdhër të prokurorit, ata janë liruar në procedurë të rregullt, ndërsa rasti vazhdon të trajtohet nga organet kompetente.
