Presidenti i Maqedonisë së Veriut, Stevo Pendarovski, ka reaguar për organizimin e tubimeve në Tetovë dhe Çair, ku ka marrë edhe pjesë kryeministri i Kosovës, Albin Kurti.
Pendarovski thotë se në këto organizime u promovuan idetë shoviniste.
Gjithashtu, ai ka kërkuar që organizatorët duhet të sanksionohen ligjërisht për shkelje të dispozitave ligjore.
“Theksimi i një ikonografie provokative nacionaliste që promovon idetë shoviniste të mëdha-shtetërore të nxitjes së urrejtjes etnike dhe intolerancës që sulmon pa mëdyshje parimet dhe vlerat kryesore të Traktatit Kornizë dhe konceptin e Maqedonisë si shtet multietnik. Organizatorët e tubimeve publike në Tetovë dhe Çair duhet të sanksionohen ligjërisht për shkeljen e dispozitave ligjore për përdorimin e flamurit dhe himnit shtetëror dhe flamujve dhe simboleve të komuniteteve, duke i injoruar plotësisht simbolet e shtetit. Lidhur me këtë, kërkoi nga organet kompetente që sa më parë përfundojnë procedurat e parapara”, ka shkruar ai në Facebook.
Madje, Pendarovski ka reaguar edhe me riemërtimin e një rruge në Çair me emrin e Adem Demaçit.
“Mënyra e realizimit të idesë së riemërtimit të rrugës në komunën e Çairit, bie ndesh me parimin e debatit demokratik dhe respektimit të trashëgimisë historike të të gjitha komuniteteve në shtet. Në këtë kuptim, pres që shërbimet kompetente inspektuese të kontrollojnë nëse është respetuar parimi i shumicës së dyfishtë me rastin e marrjes së vendimit, ku duhen të përfshihen edhe votat e komuniteteve që nuk janë shumicë në atë komunë”, tha Pendarovski./teve1.info/
