Në një konferencë për shtyp së bashku me ministrin e Brendshëm Bledi Çuçi, ministri Peleshi u shpreh se ngjarja po hetohet me seriozitet nga autoritetet shqiptare.
“Aty kemi të bëjmë me një grup të huajsh që as kanë tentuar ta vizitojnë atë zonë ushtarake me leje sipas procedurës. Por kanë tentuar të hyjnë në të, njëri prej tyre ka reaguar në mënyrë të dhunshme.
Ngjarje e Gramshit po trajtohet nga ne me shumë seriozitet. Të huaj kishin goxha ditë në Shqipëri, nuk kanë qenë vetëm në Gramsh por edhe në zona të tjera. Si ngjarje mund të ketë patur edhe synim për të devijuar vëmendjen nga një skenar tjetër. Jetojmë në një kohë të prishjes së ekuilibrave gjeo-politikë.
Kemi agjenci të inteligjencës, kemi SHISH, Policinë e Shtetit, Drejtorinë e Anti-Terrorit që përpunojnë çdo informacion. Ne jetojmë në një rajon delikat. Rajoni i Ballkanit është kompleks”, u shpreh ministri i Mbrojtjes Niko Peleshi. /tvklan.al
