Petkoviq tha se këtë e dëshmojnë deklaratat e tij të fundit, me të cilat siç thotë ai, Kurti dëshiron konflikt dhe se çdo ditë i pëlqen të flas për luftë, shkruan Tanjug, transmeton Teve1.info
“Me vendimet e tij të njëanshme për targat dhe dokumentet serbe, Kurti ka shkelur të gjitha marrëveshjet, duke përgatitur dhunën në veri. Këtë e ka konfirmuar sot duke bërë të ditur se nga 1 shtatori Prishtina do të vazhdojë me të ashtuquajturin reciprocitet, i cili ka për qëllim shfuqizimin e targave dhe dokumenteve serbe”, ka thënë Petkoviq.
Sipas tij, në vend se Kurti të formojë Asociacionin, ai vazhdon me planet e tij militante.
“Në vend që të formojë Asociacionin e Komunave Serbe, e cila do t’u jepte serbëve të drejtat e tyre kolektive dhe do të rriste sigurinë, Albin Kurti vazhdon me planet e tij militante, qëllimi përfundimtar i të cilave është dëbimi i popullit serb dhe institucioneve të shtetit serb nga territori i Kosovës dhe nuk do të ketë sukses në këtë”, deklaron Petkoviq. /teve1.info/
