Duke folur gjatë konferencës ditore të Ministrisë së Punëve të Jashtme kineze në Pekin, zëdhënësi i Ministrisë së Punëve të Jashtme të Kinës, Mao Ning tha se Kina kishte vërejtur raporte për shpërthimin në urën e Kerçit që lidh Krimenë me Rusinë kontinentale të shtunën dhe sulmet e së hënës në Kiev.
Mao përsëriti qëndrimin e Kinës për situatën në Ukrainë, duke theksuar se Kina “ka mbajtur gjithmonë se sovraniteti dhe integriteti territorial i të gjitha vendeve duhet të respektohen”, raporton CNN, transmeton teve1.info
“Shpresojmë që të gjitha palët të mund të zgjidhin siç duhet mosmarrëveshjet e tyre përmes dialogut dhe konsultimit. Kina është gjithashtu e gatshme të vazhdojë të luajë një rol konstruktiv në promovimin e de-përshkallëzimit të situatës”, shtoi Mao.
