Amerikanët Alan Herndon, Dequan Morris dhe Tajh Green, nuk janë më basketbollistë të skuadrës së Pejës.
Te tre basketbollistët e huaj, kanë shkëputur kontratën me Pejën me marrëveshje të dyanshme, kanë bërë të ditur nga klubi që garon në Superligën e Kosovës.
Herndon, Morris e Green ishin lojtarët e huaj që iu bashkuan Pejës në fillim të sezonit dhe klubi ka paralajmëruar ardhje të reja pas largimit të tyre.
Për dallim prej Green e Herndon, Morris ka regjistruar vetëm 4 paraqitje për Pejën në Superligën e Kosovës, duke realizuar në total 13 pikë.
Green ka luajtur me një mestare prej 14 pikëve e 8 kërcimeve për ndeshje, ndërsa Herndon ka regjistruar 8 pikë e 7 kërcime për ndeshje te Peja, ekip që ka 10 humbje karshi 11 fitoreve deri më tani në Superligë.
