Basketbollistët e Pejës presin përkrahje të madhe në ndeshjen kundër Dinamo Bukureshtit, të cilën synojnë ta fitojnë në palestrën “Karagaçi”.
Kjo është ndeshja e parë kualifikuese për FIBA Europe Cup dhe luhet sonte nga ora 20:15 kurse ajo e kthimit pas një jave në Rumani, ku ekipi më i mirë do të kualifikohet në fazën e grupeve.
Për dallim prej Pejës që po synon fazën grupore me anë të kualifikimeve, në grupet e FIBA Europe Cup në këtë sezon, do të paraqiten Trepça dhe Bashkimi.
Për Pejën, përballja me Dinamo Bukureshtin do të jetë ndeshja e parë zyrtare e këtij sezoni pasi në kampionatin e Kosovës, duelin e xhiros së parë ndaj Sigal Prishtinës e ka fituar me rezultat zyrtar.
Dinamo Bukureshti në radhët e veta ka gjashtë lojtarë të huaj, ku prej tyre janë pesë amerikan përfshirë edhe ish-basketbollistin e Prishtinës, Dj Burns.
Në krye të ekipit është trajneri nga Lituania, Zydrunas Urbonas, i cili për një periudhë ka punuar në basketbollin kosovar, duke e udhëhequr Sigal Prishtinës.
Peja pret përkrahje në ndeshjen e parë, të cilën synon ta fitojë me rezultat të favorshëm në mënyrë që në ndeshjen e kthimit të ketë më shumë komoditet për të siguruar fazën grupore të FIBA Europe Cup.
