Përmes një postimi në Facebook, Peci tha se përgjegjësi do të ketë i gjithë establishmenti energjetik i Kosovës.
“Për shitje blerjet me rrymë përmes GEN-it, përgjegjësia nuk kufizohet vetëm në Ambasadorin Berishaj, nëse vërtetohet se ai ka qenë pjesë e këtyre transaksioneve, por e krejt establishmentit energjetik të Kosovës, duke përfshirë këtu Qeverinë dhe KEK-un, pasi vet kjo qeveri e ka emëruar Bordin e KEK-ut”, ka thënë ai.
Ai thotë se nuk mjafton që të kemi vetëm një Komision Hetimor parlamentar, por pa vonesë duhet të kyçet edhe Prokuroria Speciale.
“Këtu nuk mjafton të kemi vetëm një komision hetimor parlamentar, por pa vonesë duhet të kyçet Prokuroria Speciale”, ka thënë më tej ai. /teve1.info/
