Shaqir Totaj do të jetë kandidat për një mandat të dytë për kryetar të Komunës së Prizrenit në zgjedhjet lokale të 12 tetorit.
Kështu është vendosur në mbledhjen e së mërkurës të kryesisë së Partisë Demokratike të Kosovës, dega në Prizren.
Totaj është shprehur i bindur se nëse fiton punët e mira për këtë qytet do të vazhdojnë me ritëm edhe më të madh.
“Përulësisht mirënjohës kryesisë së degës së PDK-së në Prizren për ta mbështetur kandidaturën time edhe për një mandat tjetër në krye të Prizrenit. Jam i bindur plotësisht se punët e mira për Prizrenin do të vazhdojnë me ritëm edhe më të madh. Faleminderit për besimin”, ka shkruar ai në Facebook.
Lajmin për kandidimin e tij të sërishëm për kryetar të Prizrenit, Totaj e ka konfirmuar të hënën në emisionin “Info Nata” në Tëvë1.
Totaj thotë se kandidon edhe për një mandat, konfirmon moskandidimin e Bedri Hamzës
