Ajo thotë se kjo nënkupton aftësinë e qytetarëve të vendit që ta kenë të qartë rolin e tyre karshi kërcënimeve të ndryshme.
“Sot duhet ndërtu rezilienca kombëtare dhe gatishmëria civile. Rezilienca do të thotë aftësia e qytetarëve të një vendi në të gjitha shtresat nga niveli qendror dhe lagjeve, familjes të kenë të gjithë të qartë çfarë roli luajnë karshi skenarëve të ndryshëm të kërcënimeve dhe rreziqeve dhe secili ta dijë çfarë roli ka në raste të tilla”, tha ajo.
Madje, ajo në “Info Nata” në tëvë1 mori shembullin e NATO-s e cila në platformën e saj e ka përfshirë edhe ndërtimin e qëndrueshmërisë kombëtare.
“NATO e cila është strukturë komplet ushtarake e ka draftu një platformë të re që quhet NATO 2030 dhe ku një ndër pikat bosht të të gjithë kësaj platforme është ndërtimi i qëndrueshmërisë kombëtare që NATO parasheh që çdo vend ose aspirues duhet të ngrisë këtë nivel, të krijojë një platformë të tillë dhe të dezignojë një person që është përgejgjës për këtë platformë”, tha ajo.
Sipas saj, Strategjia që u miratua të hënën ka shumë mangësi të cilat e bëjnë atë të paimplementushme.
“Sot me diskutu një Strategji Kombëtare ku përmendet plani i reagimit kombëtar përderisa bota po flet për parandalimin e hershëm dhe përgatitje ne jemi të vonuar prandaj edhe kjo strategji ka aq shumë mangësi sa do të jetë paimplementueshme dhe nuk do të jep as vizion as direktiva të gjitha dikastereve se kush çfarë duhet të bëjë në aspektin afat shkurt, të mesëm dhe të gjatë”, shtoi ajo./teve1.info/.
