Ajo në “Ditari” në Tëvë 1 ka sqaruar se PDK-ja këtë model të opozitarizimit e ka marrë nga Anglia.
“KQM është një model që është bërë nga Anglia, si një formë e opozitarizmit konstruktiv karshi një qeverisjeje. Qëllimi është që të mbrohen interesat qytetare, që të sigurohet që Qeveria është dhe duhet të përmbushë premtimet që ua ka dhënë qytetarëve… Një pjesë e KQM do të ketë të bëjë me opozitarizëm konstruktiv. Siç po e shohim, PDK dhe ekipi me shumë ekspertë ka muaj të tërë që shtyn çështje të rëndësishme që prekin jetën e qytetarëve. Qëllimi i PDK-së është që të shtyjë çështje dhe që ato të trajtohen siç duhet”, tha ajo.
Tutje, Kabashi – Ramaj thotë se subjekti politik që ajo i takon, vazhdimisht ka shtyrë përpara çështje që i prekin direkt qytetarët – duke përmendur rastin e tarifave të shtrenjta të energjisë elektrike.
“Po mendoj që qytetarët gradualisht kanë filluar ta kuptojnë që opozitarizmi ynë nuk do të jetë i dhunshëm. Opozita ka për detyrë të luaj rolin e vetë karshi krijimit të transparencës për çështje që i prekin qytetarët dhe se si vepron Qeveria karshi çështjeve. Gjithashtu, PDK para se të krijojë kabinetin ka qenë aktive dhe konstruktive në trajtimin e çështjeve, siç ishte çështja e energjisë dhe besoj në të gjitha çështjet për të gjitha dikasteret që i ka brenda KQM do ta vazhdojë një qasje konstruktive opozitare që do të prodhojë rezultate. Nuk do të jetë u dhunshme, por shumë e civilizuar dhe do të vazhdojë të bëjë ndryshimin të cilin qytetarët e Kosovës meritojnë ta shohin”, tha ajo. /teve1.info/
