Partia Demokratike e Kosovës do të mbajë sot Konventën e Përgjithshme, ku pritet të zgjidhet kryetari i ri i subjektit.
Konventa është thirrur më herët se sa ishte planifikuar fillimisht, pasi Memli Krasniqi më 12 nëntor dha dorëheqje nga posti i kryetarit të PDK-së.
Gjatë ditës së sotme, më 17 nëntor, delegatët e partisë do të vendosin se kush do ta udhëheqë PDK-në në mandatin e ardhshëm.
Deri tani, Bedri Hamza ka shpallur zyrtarisht kandidaturën e tij për kryetar, duke theksuar se PDK-së i duhet unitet dhe një vizion i ri për drejtësi, zhvillim dhe integrim evropian.
“PDK është familja jonë dhe së bashku do të hapim një kapitull të ri të fitoreve”, ka deklaruar ai.
Nga ana tjetër, Enver Hoxhaj e ka ftuar Hamzën në një debat televiziv, duke kërkuar që gara të jetë transparente dhe me standarde të reja.
Sipas tij, zgjedhja e kryetarit të PDK-së është një proces me rëndësi të madhe politike për gjithë vendin.
Emri i drejtuesit të ri të PDK-së pritet të bëhet publik sot rreth orës 16:30 me nisjen e punimeve të Konventës.
